MPT အရောင်းဆိုင်များကို စနေ၊ တနင်္ဂနွေ နေ့များတွင်ပါ ဖွင့်လှစ်မည်

MPT အမှတ်တံဆိပ် အရောင်းဆိုင်ပေါင်း (၁၃၀) ကျော်ကို အများပြည်သူရုံးပိတ်ရက်များဖြစ်သော စနေနှင့် တနင်္ဂနွေနေ့များတွင်ပါ ဖွင့်လှစ်သွားမည်ဖြစ်ကြောင်း MPT မှ သတင်းထုတ်ပြန်လိုက်သည်။

ယခုကဲ့သို့ ရုံးပိတ်ရက်များမှာပါ ဖွင့်လှစ်လိုက်တဲ့အတွက် MPT သုံးစွဲသူတွေအနေနဲ့ ပိတ်ရက်များတွင်ပါ SIM card မှတ်ပုံတင်ခြင်းကို လုပ်ဆောင်နိုင်မှာဖြစ်ပြီး MPT အရောင်းဆိုင်များ၏အခြားသော ဝန်ဆောင်မှုများကိုပါ နေ့စဉ် ရယူနိုင်မည်ဖြစ်သည်။

“ကျွနု်ပ်တို့ အနေနဲ့ SIM card မှတ်ပုံမတင်ရသေးတဲ့သူတွေအတွက် မှတ်ပုံတင်ခြင်းလုပ်ငန်းဆောင်ရွက်ရာမှာ ပိုမို လွယ်ကူသက်သာစေဖို့ အခုလိုမျိုး ရုံးပိတ်ရက်တွေမှာပါ ဖွင့်လှစ်ဖို့ စီစဉ်လိုက်တာဖြစ်ပါတယ်။ ကျွန်တော်တို့ ရဲ့ဆိုင်တွေကို ရုံးဖွင့်ရက်ဖြစ်ဖြစ် ရုံးပိတ်ရက်ဖြစ်ဖြစ် ဝင်သာဝင်လာခဲ့ပါ။ ပျော်ရွှင်ကြည်နူးစွာနဲ့ ဝန်ဆောင်မှုတွေ ပေးဖို့ ကျွန်တော်တို့ အသင့်ရှိနေပါမယ်” ဟု MPT-KSGM Joint Operations ၏ Chiel Commercial Officer ဖြစ်သူ Mr. Koichi Kawase က ပြောကြားခဲ့ကြောင်းသိရသည်။

%d bloggers like this: