ဆန်ဖရန်စစ္စကို မှာ စက်ရုပ် ကော်ဖီဆိုင် ဖွင့်

စက်ရုပ်တွေနဲ့ သာ ရောင်းချပေးမယ့် စက်ရုပ်ကော်ဖီဆိုင် စစ်စစ် တစ်ခု ကို ဆန်ဖရန်စစ္စကိုမှာ ဖွင့်လှစ်လိုက်တယ် လို့ သိရပါတယ်။ အခု စက်ရုပ်ဆိုင် ကို Cafe X လို့ အမည်ပေးထားပြီး ကော်ဖီရောင်းချပေးမယ့် နေရာမှာ စက်ရုပ်လက်တွေ က သာ ကော်ဖီယူပေးခြင်း ၊ ငွေကြေး လက်ခံခြင်း ၊ ပိုငွေ ပြန်အမ်းခြင်း တို့ကို ပြုလုပ်ပေးမယ် လို့ ဆိုပါတယ်။

Cafe X ကို Henry Hu အမည်ရှိတဲ့ တရုတ်လူမျိုး လူငယ်တစ်ဦး က တည်ထောင်ခဲ့တာ ဖြစ်ပါတယ်။ ကော်ဖီဆိုင်မှာ Espresso ကော်ဖီကို အဓိက ထားပြီး ရောင်းချပေးသွားမှာဖြစ်ပြီး ကော်ဖီတစ်ခွက်ကို ၂.၂၅ ဒေါ်လာ မျှနဲ့ ရောင်းချပေးသွားမှာ ဖြစ်ပြီး ကော်ဖီဆိုင်အတွက် ကုန်ကျစရိတ် ကတော့ ဒေါ်လာ ၅ သန်း ခန့် အကုန်အကျခံ ရင်းနှီးခဲ့ရတယ် လို့ ဆိုပါတယ်။ စက်ရုပ်တွေကိုတော့ Android App တွေ နဲ့ ထိန်းချုပ်သွားမယ် လို့ သိရပါတယ်။

Henry Hu ဟာ ရိုဘော့စက်ရုပ်တွေကို အလွန် စိတ်ဝင်စားသူ ဖြစ်ပြီး အနာဂတ်မှာလည်း အခု လို စိတ်ကူး စိတ်သန်းအတွက် ရင်းနှီးမြုပ်နှံမှုတွေ အများအပြား ပြုလုပ်သွားဖို့ ဆန္ဒရှိနေတယ် လို့ သိရပါတယ်။ Cafe X ဟာ ပထမဆုံးအကြိမ်အဖြစ် လူလုံး၀ ထိန်းချုပ်ထားခြင်း မရှိဘဲ စက်ရုပ်လက် များ နဲ့ ကော်ဖီဖျော်ခြင်း၊ ရောင်းချခြင်းတွေ က စပြီး သန့်ရှင်းရေး လုပ်တာတွေ အထိ ပါ စတင် ပြုလုပ်ပေးသွားမယ့် ကော်ဖီဆိုင်တစ်ခု ဖြစ်လာမှာ လို့ သိရပါတယ်။

 

Ref : Mashable

%d bloggers like this: