Trump နဲ့ Putin မျက်နှာတွေ ပုံဖော်ထားတဲ့ ရွှေသား iPhone 7 များ

Caviar လို့အမည်ရတဲ့ ရုရှား ကုမ္ပဏီတစ်ခုက အမေရိကန်သမ္မတ Donald Trump နဲ့ ရုရှားသမ္မတ Vladimir Putin တို့ရဲ့ မျက်နှာတွေကို ကျောဘက်မှာ ပုံဖော်ထားတဲ့ 32GB ရွှေသား iPhone 7 နှစ်လုံးကို ရောင်းချလျက် ရှိနေပါတယ်။

သာမန် 32GB iPhone 7 ရဲ့ ကျောဘက်မှာ ရွှေသားစစ်စစ် plate ပြားကို ကပ်ထားတာဖြစ်ပြီး ယင်း ရွှေပြားပေါ်မှာ သမ္မတမျက်နှာ၊ နိုင်ငံရဲ့ အမှတ်တံဆိပ်နဲ့အတူ နိုင်ငံတော်သီချင်းရဲ့ ပထမစာကြောင်း (၂) ကြောင်းကို ပုံဖော်ထားတာဖြစ်ပါတယ်။

ဒီ iPhone တွေကို ကမ္ဘာလုံးပုံသဏ္ဍာန် သစ်သား သေတ္တာထဲမှာထည့်ထားပြီး အစုံလိုက်ဝယ်ယူမယ်ဆိုပါက အမေရိကန်ဒေါ်လာ (၆၆၅၀) ကျသင့်မှာဖြစ်ပြီး တစ်လုံးချင်းခွဲဝယ်ပါက တစ်လုံးကို (၃၃၁၃) ဒေါ်လာကျသင့် မှာဖြစ်ပါတယ်။ တစ်လုံးချင်းဝယ်ရင်တော့ ကမ္ဘာလုံးပုံစံ Box ကို ရရှိမှာမဟုတ်ဘူးလို့လည်း သိရပါတယ်။

Ref: GSMArena

%d bloggers like this: