Oppo Find 9 မှာ 21MP/16MP ကင်မရာ ပါဝင်လာမယ်ဆိုတဲ့ ကောလာဟလထွက်ပေါ်

တရုတ်အခြေစိုက် စမတ်ဖုန်းထုတ်လုပ်ရောင်းချတဲ့ ကုမ္ပဏီတစ်ခုဖြစ်တဲ့ Oppo ရဲ့ ထပ်မံထုတ်လုပ်မယ့် စမတ်ဖုန်းအသစ် Oppo Find 9 မှာ 21MP/16MP ကင်မရာ အတွဲ နဲ့ 4100mAh battery ပါဝင်လာ မယ်ဆိုတဲ့ ကောလာဟလတွေ ထပ်မံပေါ်ထွက်လာတယ်လို့ သိရပါတယ်။

Image result for Oppo Find 9

(၂၀၁၆) ခုနှစ်အတွင်း အတော်လေးကို ရေးပန်းစားသွားခဲ့တဲ့ Xiaomi Mi Mix လိုမျိုး ဘောင်မပါတဲ့ ဒီဇိုင်းကို Oppo Find 9 မှာ ထပ်မံတွေ့ရှိရမယ့်ဆိုတဲ့ ကောလာဟလတွေဟာ ပြီးခဲ့တဲ့ ရက်သတ္တပတ်အနည်းငယ်အတွင်း မှာ ထွက်ပေါ်ခဲ့ပြီး Oppo Find 9 ကို Snapdragon 835 SoC (6GB/128GB memory) version နဲ့ Snapdragon 653 chipset (4GB/64GB) version ဆိုပြီး version နှစ်မျိုး ထုတ်လုပ်မှာဖြစ်တယ်လို့လည်း ဖော်ပြခဲ့ပါသေးတယ်။

အခုထပ်မံထွက်ပေါ်လာတဲ့ ကောလာဟလတွေဟာ Oppo ရဲ့ အခြေစိုက်နိုင်ငံဖြစ်တဲ့ တရုတ်ပြည်တွင်း ကနေပဲ ထွက်ပေါ်လာတာဖြစ်ပြီး ကင်မရာနဲ့ battery အချက်အလက်တွေအပြင် အခြားအချက်အလက်တွေပါ ပါသေးတယ်။

ထွက်ပေါ်လာတဲ့ အချက်အလက်တွေအရ Oppo Find 9 မှာ (၅.၅) လက်မ 2K (2048) resolution display နဲ့အတူ 21MP/16MP အတွဲ နဲ့ ထွက်ရှိလာမှာဖြစ်ပါတယ်။ ပုံမှာ 41000mAh လို့ ရေးသားထားတာဟာ မှားယွင်းချက်တစ်ခုဖြစ်နိုင်ပြီး Fast Charge နည်းပညာတစ်ခုဖြစ်တဲ့ VOOC charge နည်းပညာထောက်ပံ့မှုနဲ့အတူ 4100mAh battery ပါဝင်မယ်လို့သာ ခန့်မှန်းနိုင်ပါတယ်။ ဈေးနှုန်းက ခန့်မှန်းခြေ ဒေါ်လာ (၅၈၀) ဝန်းကျင် ဖြစ်နိုင်ပြီး ယခုနှစ်ရဲ့ ပထမနှစ်ဝက် အတွင်းမှာ ထွက်လာနိုင်ခြေရှိတယ်လို့ သိရပါတယ်။

Ref: GSM Arena

%d bloggers like this: