Android OS သမိုင်းအကျဉ်း နဲ့ ကမ္ဘာ့ပထမဦးဆုံး Android ဖုန်း အကြောင်း

ကမ္ဘာပေါ်မှာ လူကြိုက်အများဆုံးနဲ့ လူသုံးအများဆုံး Mobile Operating System ဆိုရင်တော့ Android OS ကို ပြေးမြင်မိကြပါလိမ့်မယ်။ Touchscreen စမတ်ဖုန်းတွေနဲ့ tablet တွေအတွက် ရည်ရွယ်ပြီး ဖန်တီးထားတဲ့ Linux Kernel ကိုအခြေခံရေးဆွဲထားတဲ့ Android OS ကို (၂၀၀၈) ခုနှစ် စက်တင်ဘာလမှာ Google က တရားဝင် Launch လုပ်ခဲ့ပေမယ့် ပထမဦးဆုံးတီထွင်ဖန်တီးခဲ့တာကတော့ Android Inc ကဖြစ်ပါတယ်။ (၂၀၀၅) ခုနှစ်မှာ Google က အမေရိကန်ဒေါ်လာ သန်း(၅၀)ကျော်ပေးကာ ဝယ်ယူခဲ့တာဖြစ်ပြီး (၂၀၀၈) ခုနှစ် တရားဝင် မိတ်ဆက်ခဲ့တဲ့အချိန်မှာ Apple ရဲ့ iOS က ဈေးကွက်အတွင်းမှာ နာမည်ရနေပြီဖြစ်ပါတယ်။

Android ဟာ iOS လို သီးသန့်ရပ်တည်နေတာမဟုတ်ဘဲ ဘယ် developer မဆို စိတ်ကြိုက်ပြင်ဆင်နိုင်အောင် Open Source ပြုလုပ်ပေးထားတဲ့အတွက် Android Open Source Project (AOSP) ကို သုံးပြီး  စိတ်ကြိုက် Version ကိုဖန်တီးရေးဆွဲနိုင်ပါတယ်။ ဒါ့ကြောင့်လည်း လူအများရဲ့ စိတ်ဝင်စားမှုကိုခံခဲ့ရပြီး တဖြည်းဖြည်းချင်း ရေပန်းစားလာခဲ့တာဖြစ်ပါတယ်။

ထူးခြားချက်

Related image

Android အကြောင်းကိုပြောမယ်ဆို Android ရဲ့ ထူးခြားချက်တစ်ခုကိုမေ့ထားလို့မရပါဘူး။ အဲ့ဒါကတော့ Android OS တွေရဲ့ နာမည်တွေပဲ ဖြစ်ပါတယ်။ Google က Android OS version တွေကို အင်္ဂလိပ်အက္ခရာ အစီအစဉ်အတိုင်း စားစရာနာမည်လေးတွေပေးခဲ့ပါတယ်။ ဥပမာအနေနဲ့ Cupcake, Donut, Éclair, Froyo, Gingerbread, Honeycomb, Ice Cream Sandwich, Jelly Bean, Kit Kat, Lollipop, Marshmallow နဲ့ အခုနောက်ဆုံး Nougat တို့ကို လေ့လာကြည့်ရင် အင်္ဂလိပ်အက္ခရာ C ကနေစလို့ N အထိ အစီအစဉ်တကျ ပေးထားတာကိုတွေ့မြင်နိုင်ပါတယ်။ အရှေ့မှာ A နဲ့ B အဖြစ် Android Alpha နဲ့ Beta ဆိုပြီး စမ်းသပ်ထုတ်လုပ်ခဲ့ပါသေးတယ်။

Android Verion 1.5 (Cupcake) ကို Android OS ရဲ့ အစ version လို့ပြောနိုင်ပြီး (၂၀၁၀) ခုနှစ်ကထွက်ရှိခဲ့တဲ့ Android 2.3 (Gingerbread) ဟာ Android ရဲ့ လူကြိုက်အများဆုံးနဲ့ အအောင်မြင်ဆုံး မှတ်တိုင်တစ်ခုဖြစ်လာခဲ့ပါတယ်။ မြန်မာနိုင်ငံအတွင်းမှာလည်း Gingerbread ကစလို့ Android ကို တွင်တွင်ကျယ်ကျယ်အသုံးပြုလာကြတာဖြစ်ပါတယ်။

ကမ္ဘာ့ပထမဦးဆုံး Android ဖုန်း

ကမ္ဘာ့ပထမဦးဆုံး Android ဖုန်းကို (၂၀၀၈) ခုနှစ် စက်တင်ဘာလ(၂၃) ရက်နေ့မှာ HTC က မိတ်ဆက်ခဲ့တာပါ။ HTC Dream လို့ အမည်ပေးထားတဲ့ ဒီဖုန်းကို အမေရိကန်နဲ့ ဥရောပနိုင်ငံအချို့မှာတော့ T-Mobile G1 လို့ လူသိများခဲ့ပါတယ်။ Android OS နဲ့ ပထမဦးဆုံးထွက်ရှိလာတဲ့ ဖုန်းဖြစ်တဲ့အတွက် လူအများက ကြီးကြီးမားမား မျှော်လင့်ထားခဲ့ကြပေမယ့် ၎င်းမှာ အသုံးပြုထားတဲ့ Android Version 1.6 (Donut) က အဲ့ဒီအချိန်အခါက ဈေးကွက်အတွင်းရေပန်းစားလျက်ရှိတဲ့ iOS နဲ့ BlackBerry တို့နဲ့ယှဉ်တဲ့အခါ Function တွေ အလွန်နည်းပါးနေတဲ့အတွက် ဆိုးဝါးတဲ့ဝေဖန်မှုတွေကို ကြုံတွေ့ခဲ့ရပါတယ်။

ဒီဇိုင်းပုံစံက သပ်ရပ်လှပပြီး Touchscreen, Slide နဲ့ QWERTY ကီးဘုတ်တို့ကို ပေါင်းစပ်ထည့်သွင်းထားတာတွေ့ရပါတယ်။

HTC Dream ရဲ့ Specs တွေကတော့

  • Android 1.6 (Donut)
  • 3.2 inches capacitive touchscreen
  • 192MB RAM
  • 256MB intertal storage (up to 16GB microSD)
  • 1150mAh lithium-ion battery
  • 528 Mhz Qualcomm MSM7201A ARM11 processor
  • 3.15 megapixel rear camera with auto-focus

Ref: Wiki, Google

%d bloggers like this: