0 Shares 112 Views

တယ်လီနော၏ စတုတ္ထအကြိမ်မြောက် အထူးနံပါတ်များ လေလံပွဲမှနေ၍ ကျပ်သိန်း ၁၂၃၈ ရရှိ

Jan 24, 2017
0 112

 တယ်လီနောမြန်မာလီမိတက် ၏ ဇန်န၀ါရီလ ၁၉ ရက် တွင် ကျင်းပခဲ့သော စတုတ္ထအကြိမ်မြောက် အထူးဖုန်းနံပါတ်လေလံပွဲတွင် အထူးဖုန်းနံပါတ် အရေအတွက် ၂၄ ခုကို လေလံ တင် ရောင်းချခဲ့ရပြီး အဆိုပါ ရောင်းချရမှုမှနေ၍ မြန်မာကျပ်ငွေ စုစုပေါင်း ၁၂၃၈ သိန်း ရရှိခဲ့ကြောင်းသိရသည်။

လေလံကြမ်းခင်းဈေးကို ဂဏန်း ၇ လုံးနှင့် ၈ လုံးတူ အပူးနံပါတ်များအတွက် မြန်မာကျပ်ငွေ သိန်း ၅၀ နှင့် အခြားနံပါတ်များ အတွက် မြန်မာကျပ်ငွေ သိန်း ၃၀ သတ်မှတ်ထားပြီး အဆိုပါ သတ်မှတ် ပမာဏများထက် ပိုမိုရရှိသော အကျိုးအမြတ် အားလုံးကို ရန်ကုန်မြို့၊ မြောက်ဒဂုံ ရှိ သုခရိပ်မြုံ လူငယ်ဖွံ့ဖြိုးရေး ပရဟိတ ဂေဟာ (HHHP) သို့ လှုဒါန်းသွားမည်ဟု တယ်လီနောမှနေ၍ အစောပိုင်းကတည်းက အသိပေးထားပြီး ဖြစ်ပါသည်။ ယခုလေလံပွဲတွင် ရရှိခဲ့သော အကျိုးအမြတ် ကျပ်ငွေ ၃၇၈ သိန်းကို သုခရိပ်မြုံ လူငယ်ဖွံ့ဖြိုးရေး ပရဟိတ ဂေဟာသို့ လှူဒါန်းသွားမည် ဖြစ်သည်။

လေလံပွဲတွင် ဈေးအမြင့်ဆုံး ရရှိခဲ့သည့် ဖုန်းနံပါတ်မှာ ၀၉၇၆၇၇၇၇၇၇၇ ဖြစ်ပြီး မြန်မာကျပ်ငွေ ၁၅၀ သိန်းဖြင့် ရောင်းချခဲ့ ရခြင်း ဖြစ်ပါသည်။ လေလံပွဲနှင့် ပတ်သက်သော လုပ်ငန်းများ အဆင့်ဆင့်ကို MN Associates မှ ကူညီစိစစ်ပေးခဲ့သည်။ တယ်လီနော အနေနှင့် လေလံတင် ရောင်းချပွဲများကို မြန်မာနိုင်ငံရှိ အခြားပြည်နယ်နှင့်တိုင်းဒေသကြီးများတွင် အခအားလျော်စွာ ကျင်းပသွားမည် ဖြစ်ပြီး ကျင်းပမည့် အချိန်နှင့် နေရာတို့ကို ကြိုတင် ကြေညာသွားမည် ဖြစ်သည်။

“တယ်လီနောအနေနဲ့ အသုံးပြုသူတွေနဲ့အတူ ပူးပေါင်းပြီး လိုအပ်ချက်ရှိနေတဲ့ လူမှုအဖွဲ့အစည်းတွေဆီ ကူညီ ထောက်ပံ့မှု တွေ ပေးအပ်ရတာကို အမြဲတမ်း ဂုဏ်ယူမိပါတယ်။ ကျွန်တော်တို့ရဲ့ ရည်ရွယ်ချက်ကိုက “သုံးစွဲသူတွေကို ကူညီ ထောက်ပံ့ ဖို့” ဖြစ်ပြီး သူတို့ရဲ့ ဘဝတွေကို ဒစ်ဂျစ်တယ်ဆက်သွယ်ရေးရဲ့ အင်အားနဲ့ မြှင့်တင်ပေးနိုင်ဖို့ပဲ ဖြစ်ပါတယ်။ ဒါ့အပြင် အထူး ဖုန်းနံပါတ်တွေကို ကြိုက်နှစ်သက်တဲ့ ကျွန်တော်တို့ရဲ့ အသုံးပြုသူတွေ အနေနဲ့လည်း အကျိုးခံစားခွင့် နည်းပါးတဲ့ ကလေးငယ်တွေကို ကူညီထောက်ပံ့မှုတွေ ပြုလုပ်ဖို့ စိတ်အားထက်သန်နေတယ် ဆိုတာကို ဒီနေ့ မျက်မြင် တွေ့ရှိ ခဲ့ရ ပါတယ်” ဟု တယ်လီနောမြန်မာ၏ Chief Marketing Officer ဖြစ်သူ Joslin E Myrthong က ပြောကြားသည်။

ယခင် နံပါတ်အလှလေလံပွဲများအား ရန်ကုန်၊ မန္တလေးနှင့် တောင်ကြီး တို့တွင် ကျင်းပပြုလုပ်ခဲ့ပြီး စုစုပေါင်း အကျိုးအမြတ် အနေနှင့် မြန်မာကျပ်ငွေ ၅၆၂ သန်းရရှိခဲ့သည်။ ရန်ကုန်တွင် ကျင်းပပြုလုပ်ခဲ့သော လေလံပွဲမှ ရရှိသော အကျိုးအမြတ် များအား မြန်မာရွေ့လျားပညာသင်ကြားရေးစီမံကိန်း (myME) သို့ လှုဒါန်းခဲ့ပြီး မန္တလေးတွင် ကျင်းပခဲ့သော ဒုတိယ အကြိမ် လေလံပွဲမှရရှိသော အကျိုးအမြတ်များကို ရန်ကုန်တိုင်းဒေသကြီး၊ ကွမ်းခြံကုန်းမြို့နယ်ရှိ မြတ်လေးရုံ ဘုန်းတော် ကြီးသင်ပညာရေးကျောင်းနှင့် ပဲခူးတိုင်းဒေသကြီး၊ ပဲခူးမြို့နယ်ရှိ သင်းခရိုင် မိဘမဲ့ဂေဟာ များသို့ လှုဒါန်းခဲ့သည်။  တတိယ အကြိမ် လေလံပွဲမှ ရရှိသော အကျိုးအမြတ်များကိုမူ ရှမ်းပြည်နယ်၊ တောင်ကြီးမြို့ရှိ ဓမ္မဝိဒူ ဘုန်းတော်ကြီးသင် ပညာရေးကျောင်းသို့ လှုဒါန်းခဲ့ပါသည်။

တယ်လီနော၏ လူမှုအကျိုးပြုလုပ်ငန်းစဉ်များ၏ အစိတ်အပိုင်းတစ်ခုအဖြစ် လေလံပွဲများကို စတင်ကျင်းပခဲ့ပြီး အဆိုပါ လေလံပွဲများမှ ရရှိလာသည့် အကျိုးအမြတ်များကို ဘုန်းတော်ကြီးသင် ပညာရေးကျောင်း၊ မိဘမဲ့ ဂေဟာတို့ အပါအဝင် အမျိုးမျိုးသော အဖွဲ့အစည်းများအတွက် လှုဒါန်းလျက် ရှိပါသည်။ အခြားလူမှုအကျိုးပြုအစီအစဉ်များတွင် ဒစ်ဂျစ်တယ် နည်းပညာတတ်မြောက်မှုကို မြှင့်တင်ပေးသည့် ‘တယ်လီနောအလင်းအိမ်’၊ အင်တာနက် အသုံးပြုရာတွင် ဘေးကင်းပြီး တာဝန်သိစွာ အသုံးပြုနိုင်ရန် ကူညီပေးသည့် ‘အားလုံးအတွက် ဘေးကင်းလုံခြုံသည့် အင်တာနက်’၊ အကျိုးခံစားခွင့် နည်းသော ကလေးငယ်များအတွက် ကျောင်းပြင်ပ ပညာရေးကို ထောက်ပံ့ပေးနေသော မြန်မာရွေ့လျား ပညာ သင်ကြားရေးစီမံကိန်း၊ မိခင်နှင့် ကလေးများအတွက် ကျန်းမာရေး သတင်းအချက်အလက်များ ပေးနိုင်သည့် mHealth နှင့် သဘာဝဘေး အန္တရာယ် ကြုံတွေ့ရသူများအတွက် အရေးပေါ်နှင့် ပြန်လည်ထူထောင်ရေး အထောက်အပံ့ အကူအညီများ ပေးခြင်း စသည့် အစီအစဉ်များ ပါဝင်ကြောင်းသိရသည်။

 

You may be interested

WWDC 2018 မှာ Apple ကြေညာနိုင်တဲ့ အရာများ
FEATURES, gadgets, Mobile & Tablets
137 shares26 views

WWDC 2018 မှာ Apple ကြေညာနိုင်တဲ့ အရာများ

Ko Thuya - May 23, 2018

Apple က ဇွန်လ ၄ ရက်နေ့မှာ ကျင်းပမယ့် WWDC 2018 ပွဲအတွက် ဖိတ်စာများကို ဝေငှလိုက်ပါပြီ။ အဲဒီပွဲမှာ iOS 12 , macOS 11.14 တို့ကို ကြေညာမှာ သေချာပါတယ်။ ဒါ့အပြင် အခြား ၀န်ဆောင်မှုများနဲ့…

တန်ဖိုးနည်း စမတ်ဖုန်းတွေအတွက် Helio P22 SoC ကိုမိတ်ဆက်ပေးလိုက်တဲ့ MediaTek
Android, Chipset, HUBS
79 shares8 views

တန်ဖိုးနည်း စမတ်ဖုန်းတွေအတွက် Helio P22 SoC ကိုမိတ်ဆက်ပေးလိုက်တဲ့ MediaTek

Tha Ra - May 23, 2018

[Zawgyi] MediaTek Helio P22 SoC ကို ပြီးခဲ့တဲ့ အင်္ဂါနေ့က မိတ်ဆက်ခဲ့တာ ဖြစ်ပါတယ်။ Helio P22 SoC ဟာ တန်ဖိုးနည်း စမတ်ဖုန်းတွေမှာ ထည့်သွင်း အသုံးပြုနိုင်ဖို့အတွက် ရည်ရွယ်ပြီး ထုတ်လုပ်ထားတဲ့ System-on-chip (SoC) ဖြစ်ပါတယ်။…

ယခုနှစ်မှာ မိတ်ဆက်မယ့် iPhone များအတွက် A12 Chip များကို စတင် ထုတ်လုပ်နေပြီ
Apple, Chipset, HUBS
124 shares17 views

ယခုနှစ်မှာ မိတ်ဆက်မယ့် iPhone များအတွက် A12 Chip များကို စတင် ထုတ်လုပ်နေပြီ

Ko Thuya - May 23, 2018

Apple ဟာ စက်တင်ဘာလလောက်မှာ အိုင်ဖုန်း အသစ်များကို မိတ်ဆက်မှာ ဖြစ်ပါတယ်။ အဲဒီ ဖုန်းများမှာ iPhone XI Plus , iPhone XI နဲ့ ဈေးသက်သာတဲ့ LCD iPhone X တို့ ဖြစ်ပြီး LCD…

Most from this category