Galaxy S7 မှာ မျက်ကြည်လွှာနဲ့ unlock လုပ်ရတဲ့ Iris Scanner ပါဝင်မည်

samsung_galaxy_note_5_s_pen_official

Samsung က အသစ်ထုတ်လုပ်မယ့် စမတ်ဖုန်းဟာ ထူးခြားတဲ့ Unlock လုပ်နည်း တစ်မျိုးကို ထည့်သွင်းထားတယ်လို့ သိရပါတယ်။ မီဒီယာတွေဖော်ပြတဲ့ သတင်းတွေအရတော့ Samsung Galaxy S7 မှာ မျက်ကြည်လွှာစစ်ဆေးပြီးUnlock လုပ်ရတဲ့ Iris Scanner ပါဝင်မယ်လို့ အခိုင်အမာဆိုလိုက်ပါတယ်။

Galaxy S7 စမတ်ဖုန်းရဲ့ဈေးနှုန်းဟာ ဘယ်လောက်ဖြစ်နိုင်တယ်ဆိုတာအတိအကျ မပြောနိုင်သေးပေမယ့် S7 ဟာ Galaxy S6 ထက်တော့ ဈေးကြီးမှာသေချာတယ်လို့လည်း သတင်းတွေကဖော်ပြထားပါတယ်။

ထွက်ပေါ်နေတဲ့ ကောလာဟလနဲ့ သတင်းတွေအရတော့ Galaxy S7 ဟာ အခြား Android ဖုန်းတွေမှာ မတွေ့ရနိုင်တဲ့ အခြား လုပ်ဆောင်ချက်ပေါင်းများစွာ နဲ့ တည်ဆောက်ထားပြီး အမျိုးအစား ၄ မျိုး ရွေးချယ်နိုင်မှာ ဖြစ်တယ်လို့လည်းသိရပါတယ်။ အဲဒီအမျိုးအစား ၄ မျိုးကတော့ Galaxy S7 ၊ Galaxy S7 Plus ၊ Galaxy S7 Edge နဲ့ Galaxy S7 Edge Plus တို့ပဲဖြစ်ပါတယ်။

အရင်ထွက်ပေါ်ထားတဲ့ သတင်းတစ်ရပ်အရလည်း Galaxy S7 ဟာ ဖိအားတဲ့ ခံနိုင်တဲ့ မျက်နှာပြင် တစ်မျိုးကို ထည့်သွင်းထားမှာ ဖြစ်ပြီး ထိုမျက်နှာပြင်ဟာ iPhone 6s နဲ့ iPhone 6s Plus တို့မှာပါဝင်ခဲ့တဲ့ 3D Touch ဟာ့ဒ်ဝဲ နဲ့ဆင်တူတယ်လို့လည်း သိရပါတယ်။

Ref : Gadgets 360

%d bloggers like this: