တရုတ်၏ Xiaomi ဖုန်းများကို အမေရိကန်ပြည်ထောင်စုတွင် ပထမဆုံးအကြိမ်ရောင်းချမည်

တရုတ်နိုင်ငံထုတ်စမတ်ဖုန်းကုမ္ပဏီဖြစ်တဲ့ Xiaomi ဟာ အမေရိကန်ပြည်ထောင်စုမှာ သူတို့ရဲ့ စမတ်ဖုန်းတွေကို ပထမဆုံးအကြိမ်ရောင်းချတော့မှာ ဖြစ်တယ်လို့သိရပါတယ်။ အမေရိကန်မိုဘိုင်းကုန်သွယ်ရေးကုမ္ပဏီ US Mobile က ဖုန်းတွေထဲမှာ အရေးပါတဲ့ Xiaomi ဟန်းဆက်တွေကို ဒီအပတ်ကစတင်ပြီးတော့ အွန်လိုင်းကနေစတင်ရောင်းချပေးမှာဖြစ်တယ်လို့ သိရပါတယ်။

ဒါပေမယ့် Xiaomi ရဲ့နောက်ဆုံးပေါ်ပစ္စည်းတွေဖြစ်တဲ့ Mi Note လိုမျိုး ဖုန်းအမျိုးအစားတွေတော့မပါဝင်ဘူးလို့ဆိုပါတယ်။ဒါ့အပြင် ဒီဖုန်းတွေဟာ မြန်ဆန်တဲ့အင်တာနက်နှုန်းဖြစ်တဲ့ အမေရိကန်ရဲ့ 4G အင်တာနက်နဲ့လည်း အလုပ်မလုပ်နိုင်သေးတာဖြစ်ပါတယ်။

xiaomi in us1

US Mobile က သူတို့အနေနဲ့ နောက်ထပ်တရုတ်ဖုန်းလုပ်ငန်း Meizu ကဖုန်းဟန်းဆက်တွေကို ရောင်းချနိုင်တော့မှာလည်းဖြစ်တယ်လို့ ပြောကြားခဲ့ပါတယ်။ US Mobile အနေနဲ့ အွန်လိုင်းကနေ Xiaomi ဖုန်းအမျိုးအစားတွေဖြစ်တဲ့ Xiaomi Redmi 2 ကို ဒေါ်လာ ၁၁၉၊ Xiaomi Mi 3 ကို ဒေါ်လာ ၁၃၅၊ Meizu Note 2 ကို ဒေါ်လာ ၁၄၉ နဲ့ Xiaomi Mi 4 ကိုဒေါ်လာ ၂၁၉ ဆိုပြီး ဈေးနှုန်းအသီးသီး သတ်မှတ် ထားပါတယ်။

Xiaomi ဟာ တရုတ်ရဲ့ Apple ဆိုပြီး အာရှရဲ့ နေရာတော်တော်များများမှာကျယ်ပြန့်လျက်ရှိတာဖြစ်ပြီး iPhone ထက်ဈေးနှုန်းလည်း အတော်သက်သာတာဖြစ်ပါတယ်။ ဒီနှစ်အစောပိုင်းမှာ ဘေဂျင်းအခြေစိုက် ကုမ္ပဏီဟာ သူတို့ရဲ့ နားကြပ်တွေနဲ့ တခြားပစ္စည်းတွေကို အမေရိကန်က သုံးစွဲသူတွေအတွက် အွန်လိုင်းကနေ စတင်ရောင်းချပေးခဲ့ပါတယ်။

Ref: BBC News

%d bloggers like this: