ဂြိုလ်သား ရှာမယ့် Stephen Hawking နဲ့ Mark Zuckerberg

ကမ္ဘာ့ အကျော်ကြားဆုံး လူ ၃ ယောက်ကတော့ ဂြိုလ်သားရှာဖို့ စိုင်းပြင်းနေကြပါပြီ။ Facebook တည်ထောင်သူ Mark Zuckerberg ၊ ရုရှား စွန့်ဦးတီထွင် လုပ်ငန်းရှင် Yuri Milner နဲ့ ရူပဗေဒပညာရှင် Stephen Hawking တို့က Alpha Centauri လို့ အမည်ပေးထားတဲ့ ကြယ်စု တည်နေရာမှ ဂြိုလ်များမှာ ဂြိုလ်သား ရှာဖွေတော့မှာ ဖြစ်ပါတယ်။ သူတို့က ဒီလိုလုပ်ဖို့ Very Large Telescope ကို အဆင့်မြှင့်ဖို့ စီစဉ်နေပါတယ်။

အဲဒီ တည်နေရာမှ ဂြိုလ်များဟာ သက်ရှိများ အသက်ရှင်နိုင်တဲ့ အခြေအနေရှိပြီး ကမ္ဘာကနေ အလင်းနှစ် ၄ ခု အကွာအဝေးမှာ တည်ရှိတယ်လို့ European Southern Observatory (ESO) က ပြောပါတယ်။ “ ဒီစီမံကိန်းဟာ ကျွန်တော်ရယ် ၊ Mark Zuckerberg ရယ်၊ Stephen Hawking ရယ် Alpha Centauri ကို အာကာသယာဉ်ငယ်တစ်စီး စေလွှတ်မယ့် Breakthrough Starshot စီမံကိန်းကို ရေးဆွဲ အပြီးမှာ ဖြစ်ပေါ်လာတာ ဖြစ်ပါတယ်။ Breakthrough Starshot စီမံကိန်းဟာ Alpha Centauri ကို သွားမယ့် တန်ဖိုးနည်း အာကာသယာဉ်ကို တီထွင်မှာလည်း ဖြစ်ပြီး လာမယ့် အနှစ် ၂၀ အတွင်းမှာ အဲဒီကို ရောက်ဖို့ ရည်ရွယ်ထားပါတယ်။ “ လို့ Milner က Daily Mail ကို ပြောပါတယ်။

လက်ရှိ Very Large Telescope ကို အဆင့်မြှင့်လိုက်ရင် Alpha Centauri ကြယ်စနစ်မှ ဂြိုလ်များမှာ ဂြိုလ်သားများကို ရှာဖွေနိုင်မှာ ဖြစ်ပါတယ်လို့ ပညာရှင်များက ပြောပါတယ်။ အဆင့်မြှင့်ဖို့အတွက် ငွေဘယ်လောက် သုံးမယ်ဆိုတာကို မသိရသေးပါဘူး။

ref : daily mail

Comments

comments

Top