Desktop ကွန်ပျူတာတွေမှာ google.com ထက်ပိုခေတ်စားတဲ့ YouTube

ဗီဒီယိုကြည့်ရှုမှုပလက်ဖောင်း YouTube က ကုမ္ပဏီတူ Google ကိုကျော်တက်ပြီး ကမ္ဘာ့ဒုတိယမြှောက်ဝင်ရောက်မှုအများဆုံး ဆိုက်အဖြစ်ရောက်ရှိခဲ့ပါတယ်။ ပထမဦးဆုံးအဖြစ် youtube.com ဟာ google.com ကိုကျော်တက်ပြီး လူကြည့်အများဆုံးအဖြစ်နဲ့ ပြီးခဲ့တဲ့နှစ် ဒီဇင်ဘာလက စံချိန်တင်ခဲ့တာဖြစ်ပါတယ်။

ဒီဗီဒီယိုပလက်ဖောင်းအနေနဲ့ Destop ကွန်ပျူတာက နေဝင်ရောက်မှုမှာ Search Engine ကြီး Google ကို ၅.၃ရာခိုင်နှုန်း အသာနဲ့ကျော်တက်ခဲ့တာဖြစ်ပါတယ်။ ဒါပေမယ့် ဒီနှစ်ခုစလုံးဟာ ကမ္ဘာ့ပေါ်ပြူလာအဖြစ်ဆုံး ဝက်ဘ်ဆိုက်ဖြစ်တဲ့ Facebook ရဲ့ facebook.com ကိုတော့ လိုက်မှီနိုင်ခြင်းမရှိသေးတာတွေ့ရပါတယ်။

Facebook ဟာ ၂၀၁၅ ဒီဇင်ဘာကို ဝင်ရောက်မှုအကြိမ်ပေါင်း ၁၈.၆၅ ထရီလီယံနဲ့ အဆုံးသတ်ခဲ့တယ်လို့ လေ့လာဆန်းစစ်ချက်တွေအရသိရပါတယ်။ YouTube ကဒုတိယနေရာမှာ အကြိမ်ရေ ၁၅.၇ထရီလီယံ နဲ့ ရပ်တည်ခဲ့ပြီး Google က ၁၄.၉ထရီလီယံ ရှိခဲ့တာဖြစ်ပါတယ်။

YouTube နဲ့ Google ရဲ့ ဝင်ရောက်မှုအဆင့်ဟာ ခရစ္စမတ်ကာလက အရေးပါခဲ့တာဖြစ်ပါတယ်။ ဒီပေါ်ပြူလာဆိုက်နှစ်ခုလုံးကို Alphabet စုပေါင်းကုမ္ပဏီကနေပြီးတော့ ထိန်းချုပ်ထားတာဖြစ်ပါတယ်။ ဒီလိုလေ့လာချက်တွေအရ လူတွေဟာ အားလပ်ရက်တွေမှာဆိုရင် Google ထက်စာရင် YouTube ကိုပိုမိုဝင်ရောက် ကြည့်ရှုကြတာကို တွေ့ရတာဖြစ်ပါတယ်။

ဒါပေမယ့် ဒီပုံစံဟာ Destop ကွန်ပျူတာတွေကနေဝင်ရောက်မှု ပုံစံကိုသာပြသထားတာဖြစ်ပြီး Mobile ကနေဝင်ရောက်မှုတွေကို ထည့်သွင်းတွက်ချက်ရင်တော့ Google က ၃၂.၂ ရာခိုင်နှုန်းသာလွန်နေတာ ဖြစ်ပါတယ်။

Ref: Telegraph

%d bloggers like this: