လုံးဝအခမဲ့သုံးစွဲနိုင်ပြီဖြစ်တဲ့ နာမည်ကျော် Android ဗိုင်းရပ်စ်နှိမ်နှင်းရေးအက်ပလီကေးရှင်း Avast Mobile Security

မိမိ Android ဖုန်းမှာ antivirus app ကောင်းကောင်းသွင်းချင်သူတွေအတွက် သတင်းကောင်းတစ်ခုပါပဲ။

နာမည်ကျော် ဗိုင်းရပ်နှိမ်နှင်းရေးဆော့ဖ်ဝဲတွေထုတ်လုပ်တဲ့ကုမ္ပဏီ Avast ဟာ Android အတွက် ထုတ်လုပ်ထားတဲ့ Avast Mobile Security အက်ပလီကေးရှင်းရဲ့ ဝန်ဆောင်မှုအားလုံးကို လုံးဝအခမဲ့အဖြစ် ပြောင်းလဲပေးလိုက်ပါတယ်။

များပြားလှတဲ့ ဗိုင်းရပ်စ်နှိမ်နင်းရေး Android app တွေထဲမှာ Avast Mobile Security ဟာ ပညာရှင်အများအပြားရဲ့ ချီးကျူးမှုကိုခံခဲ့ရပြီး၊ အကောင်းဆုံး antivirus app တစ်ခုအဖြစ် သတ်မှတ်ခံထားရတဲ့ app တစ်ခုဖြစ်ပါတယ်။ ဒါပေမယ့် ဒီ app ရဲ့ စွမ်းဆောင်ရည်တွေအကုန်လုံးကိုအသုံးပြုနိုင်ဖို့ အတွက် user တွေဟာ အရင်က တစ်လကို နှစ်ဒေါ်လာ သွင်းခဲ့ကြရပါတယ်။

လစဉ်ကြေးပေးပြီးအသုံးပြုရတဲ့ အဆင့်မြင့်စွမ်းဆောင်ရည်တွေမှာ ‘Privacy Advisor’ လို့ခေါ်တဲ့ မိမိရဲ့ ပုဂ္ဂိုလ်ရေးအချက်အလက်တွေကို ရယူနေတဲ့ app တွေကို စစ်ကြည့်နိုင်မှု၊ PIN နံပါတ်နဲ့ မိမိပိတ်ချင်တဲ့ app တွေကို ပိတ်ထားနိုင်မှု၊ Anti-theft ခေါ် ဖုန်းခိုးယူခံရ၊ပျောက်ဆုံးသွားပါက၊ ဖုန်းကို လော့ခ်ချပြီး၊ GPS ကနေ ဖုန်းတည်နေရာရှာဖွေနိုင်တာ၊ ဖုန်းထဲကအချက်အလက်တွေဖျက်ပစ်ပြီး၊ “ ဒီဖုန်းဟာ ပျောက်ဆုံးသွားတဲ့ဖုန်း ဒါမှမဟုတ် အခိုးခံရတဲ့ဖုန်းပါ” လို့ သတိပေးချက်အသံတွေ ဖုန်းကမြည်အောင်လုပ်နိုင်မှုတို့ပါဝင်ပါတယ်။

အခုအခါ ပိုက်ဆံသွင်းမှရရှိနိုင်တဲ့ Avast Mobile Security ရဲ့ အဆိုပါအဆင့်မြင့်စွမ်းဆောင်ရည်တွေကို လူတိုင်းအခမဲ့သုံးစွဲနိုင်ပြီဖြစ်ကြောင်း ကုမ္ပဏီက ဇန်နဝါရီ ၂၈ ရက်နေ့မှာ ကြေငြာခဲ့ပါတယ်။

ပိုက်ဆံသွင်းပြီးအသုံးပြုခဲ့ကြတဲ့လူတွေအတွက်လည်း နစ်နာကြေးအနေနဲ့ Avast ကုမ္ပဏီကပဲထုတ်လုပ်ထားတဲ့ SecureLine ကွန်ရက်လုံခြုံမှုမြှှုင့်app ကို Avast Mobile Security app လက်ကျန်သက်တမ်းအတိုင်းအသုံးပြုနိုင်အောင် ပြုလုပ်ပေးခဲ့တယ်လို့ သိရပါတယ်။

Ref: Tomsguide

 

 

 

%d bloggers like this: