Galaxy S7 ကို ဖေဖော်ဝါရီ ၂၁ ရက်နေ့မှာ Samsung စတင်မိတ်ဆက်မည်

Samsung ဟာ နောက်မျိုးဆက်သစ် Galaxy S7 ကို ဖေဖော်ဝါရီလ ၂၁ ရက်နေ့၊ ဘာစီလိုနာမြို့မှာကျင်းပမယ့် ‘Samsung Unpacked Event’ ပွဲမှာ စတင်မိတ်ဆက်သွားမှာဖြစ်ပါတယ်။

Samsung အနေနဲ့ ယခုပွဲအတွက် ဖိတ်စာတွေကို ဖြန့်ဝေခဲ့ပြီးဖြစ်သလို၊ Samsung Mobile တရားဝင် facebook စာမျက်နှာနဲ့ Youtube ချန်နယ်တို့မှာလည်း Samsung ရဲ့ VR ဗီဒီယိုတစ်ခုနဲ့ #TheNextGalaxy လို့ ဖော်ပြပြီး Galaxy S7 ထွက်ရှိမယ့်သတင်းကို အတည်ပြုခဲ့ပါတယ်။

လက်ရှိထွက်ပေါ်နေတဲ့သတင်းတွေအရ Galaxy S7 ဟာ S6 နဲ့ ပုံစံသိပ်မကွာခြားဘဲ၊ ပရိုဆက်ဆာမတူတဲ့ မော်ဒယ်နှစ်မျိုးနဲ့ ထွက်ရှိမှာဖြစ်တယ်လို့ သိရပါတယ်။ ပထမမော်ဒယ်တစ်မျိုးဟာ Qualcomm Snapdragon 820 ပရိုဆက်ဆာနဲ့ ဖြစ်ပြီး၊ နောက်မော်ဒယ်ကတော့ Samsung က ထုတ်လုပ်ထားတဲ့ Exynos ပရိုဆက်ဆာနဲ့ ဖြစ်တယ်လို့ သိရပါတယ်။

Apple ရဲ့ iPhone 6 လို ဖိအားသုံးဖန်သားပြင်ပါဝင်လာဖွယ်လည်းရှိတယ်လို့ ကောဟဟာလထွက်ပေါ်လျက်ရှိပြီး၊ Galaxy S6 ထက် ပိုဈေးနည်းမယ်လို့လည်း သိရှိရပါတယ်။

ဖေဖော်ဝါရီ ၂၁ ရက်နေ့ စပိန်နိုင်ငံ၊ ဘာစီလိုနာမြို့မှာ ကျင်းပပြုလုပ်မယ့် Samsung Unpacked Event ကို Samsung Mobile Youtube ချန်နယ်ကနေ တိုက်ရိုက် ကြည့်ရှုနိုင်ပါတယ်။

Ref: Cnet

 

 

%d bloggers like this: