တစ်ကမ္ဘာလုံးအမြတ်ငွေ ဒေါ်လာ၃.၄ဘီလျံတွင် လေးရာခိုင်နှုန်းအခွန်ဆောင်ခဲ့ရတဲ့ Facebook

လူမှုကွန်ယက်စာမျက်နှာကြီး Facebook က ၂၀၁၄ခုနှစ်မှာ ဝင်ငွေ ဒေါ်လာ ၃.၄ဘီလျံရှိတဲ့အနက်က လေးရာခိုင်နှုန်းလောက်ပဲ အခွန်ဆောင်ခဲ့ရတယ်လို့ စွပ်စွဲခံထားရပါတယ်။ ဒီစုံစမ်းမှုကိုတော့ ဗြိတိန်နိုင်ငံထုတ် Sunday Times သတင်းစာကြီးက သူတို့ရဲ့ လူမှုကွန်ယက်စာမျက်နှာတွေကနေဖွင့်ချခဲ့တာဖြစ်ပါတယ်။

Facebook ဟာ ၂၀၁၄ခုနှစ်မှာ တစ်ကမ္ဘာလုံးက အမြတ်ဝင်ငွေ အမေရိကန်ဒေါ်လာ ၃.၄ဘီလျံရှိတဲ့အနက်က အမေရိကန်အာဏာပိုင်တွေကို ဝင်ငွေခွန်ရဲ့ လေးရာခိုင်နှုန်းဖြစ်တဲ့ ဒေါ်လာ ၁၂၃သန်း ခန့်ပေးချေခဲ့တာဖြစ်တယ်လို့ ဖော်ပြထားပါတယ်။

အမေရိကန်စတော့ရှယ်ယာဈေးကွက်ရဲ့ အချက်အလက်တွေအရ တစ်ကမ္ဘာလုံးမှ ဝင်ငွေတွေရဲ့ ၃.၆ရာခိုင်နှုန်းလောက်ပဲ ထိထိရောက်ရောက် အခွန်ဆောင်ခဲ့ပြီး ဗြိတိန်မှာတော့ ကုမ္ပဏီကြီးတွေဟာ အဖွဲ့အစည်းအခွန်ကို အနည်းဆုံး ၂၁ ရာခိုင်နှုန်းပေးချေရတာဖြစ်ပါတယ်။

မိုဘိုင်းပစ္စည်းတွေရဲ့ ကြော်ငြာတွေဟာ သူတို့ရဲ့ဝက်ဘ်ဆိုက်မှာ အဓိကအရောင်းရဆုံးဖြစ်ပြီး သုံးလပတ်အမြတ်ငွေဟာ ၅၂ရာခိုင်နှုန်းလောက် မြှင့်တက်ခဲ့တယ်လို့ ပြောကြားခဲ့ပြီးနောက်ပိုင်း Facebook ရဲ့ ရှယ်ယာဈေးတွေဟာ ပြီးခဲ့တဲ့အပတ်က တစ်ဟုန်ထိုးထိုးတက်သွားခဲ့တာဖြစ်ပါတယ်။

Facebook ပူးတွဲတည်ထောင်သူ နဲ့ CEO Mark Zuckerberg က သူတို့ကုမ္ပဏီဟာ ၂၀၁၅ခုနှစ်မှာအောင်မြင်ခဲ့ပြီး ဆက်လက်ကြီးထွားစည်ပင်တဲ့ လုပ်ငန်းဖြစ်အောင်ပြုလုပ်မှာဖြစ်တယ်လို့ ပြောကြားခဲ့ပါတယ်။

Ref: Independent

%d bloggers like this: