အိတ်ကပ်ထဲထည့်သယ်သွားနိုင်တဲ့ ကင်မရာငယ် (သို့) Canon ရဲ့ PowerShot G9 X ကို လေ့လာသုံးသပ်ခြင်း

CSC အဆင့်ရှိတဲ့ ဓါတ်ပုံတွေကို ရိုက်ကူးနိုင်ပြီး သင့် အိတ်ကပ်ထဲ အလွယ်တကူ ထည့်သယ်သွားနိုင်မယ့် ဖန်စီ ကင်မရာ မျိုးတွေ့ဖူးပါသလား။ အရင်တုန်းကတော့ Sony အမှတ်တံဆိပ် RX100 စီးရီး ကင်မရာတွေရှိခဲ့သလို Canon ကလည်း မတူညီတဲ့ ပုံစံမျိုးတွေနဲ့ ကင်မရာ အသေးစားလေး တစ်ခု ကို ထုတ်လုပ်ခဲ့ြ့ပန်ပါတယ်။ Canon အမှတ်တံဆိပ် Powershot G9 X ဟာ စတိုင်လ်ကျပြီး တစ် လက်မသာရှိတဲ့ ဆင်ဆာကိုထည့်သွင်းထားပြီး ဈေးနှုန်းကလည်း ဒေါ်လာ ၅၃၀ ခန့်သာကျသင့်မှာဖြစ်တာကြောင့် Sony ရဲ့ RX100 IV ဈေးနှုန်းရဲ့ထက်ဝက်ခန့်သာရှိပါတယ်။

g9x-4

ဒီဇိုင်းနဲ့ လုပ်ဆောင်ချက်များ

PowerShot G9 X ရဲ့ ဒီဇိုင်းဟာ Canon ရဲ့ Powershot S120 နဲ့ဆင်တူပါတယ်။ ဒါပေမယ့် PowerShot S120 ကတော့ 1/1.7 ဆင်ဆာကို သုံးထား တာခြင်းပဲ ကွာသွားပါတယ်။ အထူကတော့ ၃၁ မီလီတာရှိပြီး Sony ရဲ့RX100 IV ထက်ပင် ၁၀ မီလီမီတာ ခန့် ပါးလွှာနေပါသေးတယ်။ Powershot G9 X ကိုတော့ အရောင် ၂ မျိုးနဲ့ ထုတ်လုပ်ထားပါတယ်။ တစ်မျိုးကတော့ ငွေရောင်နဲ့ အညိုရောင်တွဲဖက်ဖြစ်ပြီး နောက်တစ်မျိုးကတော့ အနက်ရောင်ပါ။

အားနည်းချက်ဖြစ်လာခဲ့တာကတော့ PowerShot G9 X ဟာသေးငယ်တာကြောင့် ကင်မရာရဲ့ အနောက်ဘက်အခြမ်းမှာ D-Pad (သို့) Viewfinder ပါဝင်လာခြင်းမရှိတော့ပါဘူး။ သေးငယ်တဲ့ Touchscreen ပြသမှုတစ်ခုသာ ပါဝင်လာပါတယ်။ ဒါပေမယ့် Touch စနစ်နဲ့ ခိုင်းစေခွင့်နည်းပါးတာကြောင့် လုပ်ဆောင်ချက်တွေကို ထိန်းချုပ်ရခက်တယ်လို့တော့မထင်ပါနဲ့။ PowerShot G9 X ရဲ့ မှန်ဘီလူး ပတ်လည်နဲ့ အပေါ်ဘက်မှာတော့ ရှေးဟောင်းကင်မရာတွေလို Manual ထိန်းချုပ်ရတဲ့ ခလုတ်တွေများစွာပါဝင်ပါတယ်။ ဒါကြောင့်လည်း ဒီကင်မရာရဲ့ ဒီဇိုင်းကို ရှေးဟောင်း ကင်မရာတစ်လုံးရဲ့ ဒီဇိုင်းမျိုးနဲ့ ထုတ်လုပ်ထားတာလည်း ဖြစ်ပါတယ်။

မှန်ဘီလူးနဲ့ ဓါတ်ပုံအရည်အသွေး

28-84mm မှန်ဘီလူးတွေဟာ အမြင့်ဆုံး Aperture ကို f/2-f/4.9 အထိ သတ်မှတ်ခွင့်ပေးထားပါတယ်။ အခြားကောင်းမွန်တဲ့ လုပ်ဆောင်ချက်တွေကို ပြပါဆိုရင်တော့ PowerShot G9 X ဟာ တစ်စက္ကန့်ကို ၆ ဖရိန်(6fps) အထိ ရိုက်ကူးနိုင်ပြီး Autofocus နဲ့ဆိုရင်တော့ တစ်စက္ကန့်ကို ၄.၃ ဖရိန် (4.3fps) အထိ ရိုက်ကူးနိုင်ပါတယ်။ ပိုကောင်းတာက WiFi နဲ့ NFC စနစ်တွေကို အသုံးပြုနိုင်ခြင်းပါပဲ။

မှန်ဘီလူး အရည်အသွေးဟာလည်း 28-84မီလီမီတာ အထိ အများဆုံး Zoom ဆွဲနိုင်မှာဖြစ်တဲ့အတွက် 4x Zoom သာရခဲ့တဲ့ Canon ရဲ့ အရင် PowerShot G7 X ထက်တော့ များစွာကောင်းမွန်လာပါတယ်။ ဓါတ်ပုံအရည်အသွေးပိုင်းကိုပြောရမယ်ဆိုရင်တော့ PowerShot G9 X ဟာ Raw ဖိုင်အမျိုးအစားနဲ့ ရိုက်ကူးမယ်ဆိုရင် လုပ်ဆောင်ချက်တွေနှေးကွေးသွားပါတယ်။ ဒါဟာ အဓိက အားနည်းချက်တစ်ခုလို့တောင် ပြောလို့ရပါတယ်။ ဒါကြောင့်သင့်အနေနဲ့ Raw ဖိုင်တွေကို ရိုက်ကူးမယ်ဆိုရင်တော့ PowerShot G9 X ကို ငြင်းပယ်သင့်ပါတယ်။

ချုံငုံသုံးသပ်ခြင်း

ချုံငုံသုံးသပ်ရမယ်ဆိုရင်တော့ PowerShot G9 X ဟာ ၁ လက်မ ဆင်ဆာကို သုံးထားပြီး မှန်ဘီလူးကို ထိန်းချုပ်နိုင်တဲ့ ခလုတ်တဲ့ပါဝင်တာကြောင့် အားသာချက်တွေရှိနေပါတယ်။ ဒါ့အပြင် ကင်မရာအသေးစားဖြစ်ပေမယ့် Touch စနစ်နဲ့သုံးနိုင်တဲ့ LCD မျက်နှာပြင်ကိုထည့်သွင်းထားသလို WiFi ၊ NFC တို့အသုံးပြုနိုင်ခြင်းဟာ ယနေ့ခေတ် ဓါတ်ပုံအပျော်တမ်းရိုက်ကူးသူတွေအတွက် အသုံးဝင်မှာသေချာပါတယ်။ အားနည်းချက်တွေကတော့ Zoom ပမာဏ ကန့်သတ်ထားတာပါ။ မှန်ဘီလူးလည်း လဲပြီး သုံးလို့မရတဲ့အတွက် သတ်မှတ် ပမာဏထက်ပိုမရနိုင်ပါဘူး။ ပြီးတော့ Raw ဖိုင်တွေရိုက်ကူးတဲ့အခါမှာ လုပ်ဆောင်ချက်တွေနှေးကွေးသွားခြင်းက ပရော်ဖက်ရှင်နယ် ဓါတ်ပုံဆရာတွေ ငြင်းပယ်ချင်စရာ အားနည်းချက် တစ်ခုဖြစ်လာခဲ့ပါတယ်။

Ref : PC Mag ၊ Trusted Review ၊ Tech Radar

%d bloggers like this: