Microsoft ရဲ့ Lumia ဖုန်းတွေ ရောင်းအား ထက်ဝက်ခန့် ကျဆင်း

Microsoft ကုမ္မဏီ ဟာ နည်းပညာလောကထဲမှာ ဝင်ငွေကောင်းနေသေးတာ မှန်ပေမယ့် အဲဒီဝင်ငွေတွေဟာ Surface ၊ Windows 10 နဲ့ သူ့ရဲ့ Cloud Platform တွေကြောင့်ပဲဖြစ်ပါတယ်။ Windows ဖုန်းတွေကြောင့် မဟုတ်တာ လုံးဝသေချာပါတယ်။

အချက်အလက်အရ ပြောရမယ်ဆိုရင် Lumia ဖုန်းတွေရဲ့ ရောင်းအားဟာ လွန်ခဲ့တဲ့ တစ်နှစ်ကအခြေအနေနဲ့ နှိုင်းယှဉ်ရင် ထက်ဝက်ခန့် ကျဆင်း သွားခဲ့ တယ်လို့ Redmond ကုမ္မဏီရဲ့ ဘဏ္ဍာရေးတွက်ချက်မှုအရ သိရပါတယ်။ Lumia ဖုန်းတွေရဲ့ ဘဏ္ဍာငွေဟာ ဒေါ်လာ ၂၀.၄ ဘီလီယံ ရှိခဲ့ပြီး အမြတ်ငွေကတော့ ဒေါ်လာ ၆.၃ ဘီလီယံ သာရှိခဲ့ပါတယ်။

၂၀၁၆ ခုနှစ် အစပိုင်းတွကချက်မှုတွေအရ Microsoft ဟာ Windows ဖုန်း ၄.၅ သန်း ရောင်းချခဲ့ရပြီး လွန်ခဲ့တဲ့တစ်နှစ်တုန်းကတော့ ၁၀.၅ သန်း အရေအတွက် အထိရောင်းချနိုင်ခဲ့တာ ဖြစ်ပါတယ်။ ဒီလိုရောင်းအားကျနေချိန်မှာ Apple ကတော့ iPhones ရောင်းအား ၇၄.၈ သန်း အရေအတွက် နဲ့ စံချိန်တင်နိုင်ခဲ့ပါတယ်။

ဒီအချက်အလက်တွေမေ့ထားလိုက်မယ်ဆိုရင်တောင် Microsoft ဟာ Windows 10 စနစ်သုံးဖုန်းတွေဖြစ်တဲ့ Lumia 950 နဲ့ Lumia 950 XL တို့ကို ၂၀၁၅ နှစ်ကုန်ပိုင်းမှာ ထုတ်လုပ်ထားပါသေးတယ်။

Microsoft ရဲ့ Surface အမျိုးအစား တတ်ဘလတ် တွေရဲ့ ရောင်းအားကတော့ လွန်ခဲ့တဲ့ တစ်နှစ်ကထက် ၂၉ ရာခိုင်နှုန်းမြင့်တက်လာခဲ့တယ်လို့ သိရပါတယ်။Office 365 ကို လစဉ်ကြေးပေးသုံးစွဲသူအရေအတွက်ဟာလည်း ၂၀.၆ သန်းထိ မြင့်တက်လာခဲ့ပြီး Windows 10 ကို တပ်ဆင်ထားတဲ့ ကိရိယာအရေအတွက်ဟာလည်း သန်း ၂၀၀ ကျော်အထိ ရှိလာခဲ့ပြီ ဖြစ်တယ်လို့ သိရပါတယ်။

ဒီအခြေအနေတွေအပေါ်မူတည်ပြီး ကောလာဟလ ထွက်ပေါ်နေတာက Microsoft ဟာ Lumia အမှတ်တံဆိပ်ကို ရပ်နားပြီး Surface အမှတ်တံဆိပ် ဖုန်းတွေကို ထုတ်လုပ်လာဖွယ်ရှိတယ်ဆိုတာပါပဲ။

Ref : Tech Radar

%d bloggers like this: