တရုတ်နိုင်ငံမှာ မိုဘိုင်းဖုန်းတွေကနေ အင်တာနက်သုံးစွဲသူပေါင်း သန်း ၆၂၀ ရှိ

တရုတ်နိုင်ငံလူဦးရေရဲ့တစ်ဝက်နီးပါးဖြစ်တဲ့၊ တရုတ်လူမျိုး သန်း ၆၂၀ လောက်ဟာ ၂၀၁၅ ခုနှစ်မှာ အင်တာနက်ကို မိုဘိုင်းဖုန်းတွေကနေ တဆင့် ဝင်ရောက်အသုံးပြုခဲ့ကြကြောင်း၊ တရုတ်အစိုးရရဲ့အစီရင်ခံစာတစ်စောင်မှာ ဖော်ပြထားပါတယ်။

ဖုန်းကနေအင်တာနက်အသုံးပြုတဲ့ တရုတ်လူမျိုးဦးရေဟာ ၂၀၁၅ ခုနှစ်မှာ ၆၃.၀၃ သန်း မြင့်တက်လာခဲ့ပြီး၊ နိုင်ငံအတွင်း အင်တာနက်အသုံးပြုသူပေါင်း ၆၈၈ သန်းရဲ့ ၉၀.၁ ရာခိုင်နှုန်းလောက်ဟာ မိုဘိုင်းဖုန်းကနေ အင်တာနက်အသုံးပြုကြတာဖြစ်ကြောင်း တရုတ်အင်တာနက်ကွန်ရက်ဆိုင်ရာသတင်း အချက်အလက်စင်တာ (CNNIC) က သောကြာနေ့မှာ သတင်းထုတ်ပြန်ခဲ့ပါတယ်။

အင်တာနက်ရရှိမှုဟာ တရုတ်နိုင်ငံရဲ့ ပြည်သူ့ဝန်ဆောင်မှုလုပ်ငန်းများ၊ ပြည်သူတွေရဲ့ လူနေမှုအဆင့်အတန်းနဲ့၊ အီလက်ထရောနစ်စီးပွားရေးစနစ် တို့ကို တိုးတက်စေခဲ့တယ်လို့ CNNIC က ဆိုပါတယ်။

အဆိုပါအစီရင်ခံစာမှာဖော်ပြထားချက်အရ၊ ၂၀၁၅ ခုနှစ်မှာ မိုဘိုင်းဖုန်းကနေငွေပေးချေရေးဝန်ဆောင်မှုသုံးသူအရေအတွက် ၃၅၈ သန်း၊ အွန်လိုင်းအကြံပေးဆရာဝန်တွေနဲ့ ဆွေးနွေးသူဦးရေ ၁၅၂ သန်းနဲ့ အင်တာနက်ကနေ ပညာသင်ယူသူအရေအတွက်ဟာ သန်း ၁၁၀ လောက် အသီးသီးမြင့်တက်ခဲ့တယ်လို့ သိရပါတယ်။

ထို့အပြင်၊ တရုတ်လူမျိုး ၁၄ ယောက်မှာ ၁ ယောက် (သို့မဟုတ်) တရုတ်လူမျိုး ၉၆.၆ သန်းဟာ ၂၀၁၅ ခုနှစ်မှာ အွန်လိုင်းကနေ တက္ကစီမှာစီးခဲ့ကြပြီး၊ အများစုဟာ မိုဘိုင်းဖုန်းကတဆင့်ဖြစ်တယ်လို့လည်း အစီရင်ခံစာမှာဖော်ပြထားပါတယ်။

ကမ္ဘာ့လူဦးရေအများဆုံးနိုင်ငံတစ်နိုင်ငံဖြစ်တဲ့ တရုတ်နိုင်ငံမှာ ၂၀၁၅ ခုနှစ်အတွင်း အွန်လိုင်းဈေးဝယ်သူပေါင်း ၄၁၃ သန်းရှိခဲ့ပြီး၊ ထိုအထဲက လူ သန်း ၅၀ လောက်ဟာ အွန်လိုင်းရှော့ပင်းကို ပထမဆုံးစမ်းသပ်သုံးကြည့်ခဲ့ကြတဲ့လူတွေဖြစ်တယ်လို့လည်း သိရပါတယ်။

Ref: Gadgets360

 

%d bloggers like this: