ဒေါ်လာ ၅ ဘီလီယံတန် Apple ရုံးချုပ်အသစ် ကို ဒရုမ်း နဲ့ ရိုက်ယူပြီး လွှင့်ထုတ်ပြ

Apple ကုမ္ပဏီကနေပြီး လာမည့် ၂၀၁၇ ခုနှစ်အတွင်းမှာ စတင်ရုံးထိုင်မယ့် အမေရိကန် ဒေါ်လာ ၅ ဘီလီယံတန် ရုံးချုပ်အသစ် ကို Drone လေယာဉ် နဲ့ ရိုက်ကူးခဲ့ပြီး သတင်းမီဒီယာတွေနဲ့ ဝန်ထမ်းတွေကို အကြောင်းကြား ပြသခဲ့ပါတယ်။

.
ဝန်ထမ်းတွေအတွက် ကုန်ဆုံးသွားတဲ့ စွမ်းအင်တွေကို ပြန်လည် ဖြည့်တင်းပေးဖို့ အကောင်းဆုံးနေရာတစ်ခု အဖြစ် ကုမ္ပဏီ က တင်စားပြောဆိုခဲ့ပါတယ်။ ရုံးချု့်အသစ် ကို Cupertino ရုံးချုပ်လို့ ခေါ်ဆိုခဲ့ပြီး စတိဗ်ေ၈ျာ့ဘ် က Apple Campus 2 လို့ အမည်ပေးထားခဲ့ပါတယ်။ စတိဗ်ဂျော့ဘ် ရှိစဉ်ကတည်း က အဲဒီရုံးချုပ်အတွက်ကို တင်ကြိုစဉ်းစားထားတာဖြစ်တဲ့အပြင် ၁၇၆ ဧက ရှိခဲ့တဲ့ မြေဧက ကျယ်ဝန်းလွန်းတဲ့ နေရာတစ်ခု ကို ဝယ်ယူအခြေချတဲ့အတွက် “အာကာသ ထဲက နေရာတစ်ခုကို တော့ ငါတို့ ရောက်ပြီ“ ဆိုပြီး ချီးကျူးခဲ့ပါတယ်။
.
ဗြိတိန်နိုင်ငံရဲ့ နာမည်ကျော် ဗိသုကာပညာရှင်များ အဖွဲ့အစည်းဖြစ်တဲ့ Norman Foster အဖွဲ့ က ရေးဆွဲပေးခဲ့တာ ဖြစ်ပြီး ဝန်ထမ်းပေါင်း ၁၃၀၀၀ ကျော် အမှုထမ်းဆောင်နိုင်အောင်ကို ပင် ကျယ်ဝန်းတဲ့ နေရာရှိပါတယ်။ ကြီးမားကျယ်ပြန်တဲ့ ပန်းခြံတစ်ခု လည်း ပါဝင်ပြီး အလယ်တည့်တည့်ရဲ့ အဆောက်အဦး ဟာ လက်စွပ်ကွင်း ၄ ခု ကို ခေါင်းချင်းဆိုင်ထားသကဲ့သို့ ရှိပါတယ်။
.
ပင်မအဆောက်အဦး ရဲ့ ခေါင်မိုးကို ဆိုလာပြားတွေနဲ့ တည်ဆောက်ထားပြီး စိမ်းလန်းစိုပြေလွန်းတဲ့ သီးပင်၊ စားပင်တွေပါ စိုက်ပျိုးပေါက်ရောက်လျက်ရှိတဲ့အပြင် အပင်ပေါင်း ရာနဲ့ချီပါဝင်ပါတယ်။ ဧရိယာစတုရန်း ပေ နဲ့ တွက်ချက်ကြည့်မယ် ဆိုရင် ပေပေါင်း ၁ သိန်း ကျော် ရှိတဲ့ မြေနေရာမှာ Facility ပြည့်ဝတဲ့ ရုံးခန်းအဆင်အပြင် ၊ ကျယ်ပြန့်တဲ့ ကားပါကင်နေရာတွေအပြင် ဆိုင်ကယ်၊ စက်ဘီး စီးရင်း အပန်းဖြေခရီးတို ထွက်လိုသူတွေအတွက်လည်း အဆင်ပြေစေတဲ့အပြင် Drone လိုမျိုး ထုတ်ကုန်အသစ်တွေကို စမ်းသပ်လေ့ကျင့်နိုင်စေမယ့် နေရာတစ်ခုလည်း ဖြစ်ပါတယ်။

Ref : recode

 

%d bloggers like this: