၁၉၉၁ခုနှစ်ရဲ့ ဒီလိုနေ့မျိုးမှာ Apple ဟာ ကမ္ဘာ့ပထမဆုံး လက်ပ်တော့ကွန်ပျူတာ PowerBook တွေကို မိတ်ဆက်ခဲ့ပါတယ်

၁၉၉၁ခုနှစ်၊ အောက်တိုဘာလ ၂၂ရက်နေ့မှာ အမေရိကန်ပြည်ထောင်စု၊ လက်စ်ဗီးဂတ်စ်မှာ ပြုလုပ်တဲ့ COMDEX ပွဲမှာ Apple ဟာ သူတို့ရဲ့ ထိုအချိန်က အဓိကကွန်ပျူတာ အမျိုးအစားတွေဖြစ်လာမယ့် PowerBook Notebook ကွန်ပျူတာမျိုးဆက်တွေဖြစ်တဲ့ PowerBook 100, PowerBook 140 နဲ့ PowerBook 170 တို့ကို မိတ်ဆက်ခဲ့ပါတယ်။

ဒါဟာဆိုရင် Apple ရဲ့ ပထမဆုံး အမှန်ကန်ဆုံး Macintosh ကွန်ပျူတာတွေလို့တောင် ပြောလို့ရပြီး PowerBook လိုင်းဟာ လက်ရှိကမ္ဘာပေါ်မှာ အသုံးပြုနေတဲ့ လက်ပ်တော့တွေရဲ့ ဒီဇိုင်းဖြစ်တဲ့ သယ်ဆောင်သွားနိုင်တဲ့ ပူးတွဲကွန်ပျူတာပုံစံတွေရဲ့ အစဦးဆုံး ကွန်ပျူတာတွေအဖြစ်နဲ့ ဒီဇိုင်းကို ဆန်းသစ်ခဲ့ပါတယ်။

apple-powerbook3

ဥပမာဆိုရင် PowerBooks တွေမှာ ယနေ့ခေတ်ပုံစံအတိုင်း ကီးဘုတ်အရှေ့ဘက်မှာ Trackball ကို နေရာပြောင်းရွှေ့ထိန်းချုပ်မှုစနစ် ပါဝင်တဲ့ ပထမဆုံး လက်ပ်တော့အမျိုးအစားတွေဖြစ်ပါတယ်။

Apple အနေနဲ့ PowerBook တွေကို ၁၉၉၁ခုနှစ်ကနေ ၂၀၀၆ခုနှစ်အထိ ထုတ်လုပ်ခဲ့ပြီး သက်တမ်းတစ်လျှောက်မှာ အဓိကပြန်လည်ပြင်ဆင်မှုနဲ့ ဒီဇိုင်းပြုပြင်မှုတွေကို ပြုလုပ်ခဲ့တာကြောင့် လုပ်ဆောင်ချက်များစွာ ပါဝင်လာတဲ့ Standard Laptop တွေအဖြစ်နဲ့ သမိုင်းမှာ ရပ်တည်နိုင်ခဲ့ကြပါတယ်။

apple-powerbook2

Ref: Day In Tech, Wiki

%d bloggers like this: