2600 MHz Spectrum လေလံ အောင်မြင်သူများကို (၂၀) ရက်နေ့ကြေညာမည်

2600 MHz Spectrum လေလံ အောင်မြင်သူများကို အောက်တိုဘာ (၂၀) ရက်နေ့ကြေညာမည်

ပို့ဆောင်ရေးနှင့်ဆက်သွယ်ရေးဝန်ကြီးဌာန ၊ ဆက်သွယ်ရေးညွှန်ကြားမှုဦးစီးဌာန မှ 2600 MHz Spectrum လေလံ ပြိုင်ပွဲကို၂၀၁၆  ခုနှစ်၊ အောက်တိုဘာလ (၁၇) ရက်နေ့ နဲ့ (၁၈) ရက်တို့မှာ ကျင်းပခဲ့ပြီး လေလံ အောင်မြင်သူများအား 2600 MHz Auction Framework မှာ သတ်မှတ်ထားတဲ့ အတိုင်း ၂၀၁၆ ခုနှစ်၊ အောက်တိုဘာလ ၂၀ ရက်နေ့ (ကြာသပတေးနေ့) မှာ ထုတ်ပြန်ကြေညာသွားမှာဖြစ်တယ်လို့ သိရပါတယ်။

ဆက်သွယ်ရေးဝန်ဆောင်မှုလုပ်ငန်း လိုင်စင်ရကုမ္ပဏီများ အနေနဲ့ မြန်နှုန်းမြင့် Broadband Data ဝန်ဆောင်မှုလုပ်ငန်းများ ဆောင်ရွက်နိုင်ရန်အတွက် Simultaneous, Multiple-Rounds Auction (SMRA) နည်းလမ်း အသုံးပြုတဲ့ 2600 MHz Spectrum လေလံအား ၂၀၁၆ ခုနှစ်၊ အောက်တိုဘာလ (၁၇) ရက်နေ့၊ နံနက် (၉:၀၀) နာရီ အချိန်က နေပြည်တော်ရှိ The Hotel Royal ACE မှာ စတင်ပြီး ကျင်းပပြုလုပ်ခဲ့တာဖြစ်ပါတယ်။

ပို့ဆောင်ရေးနှင့်ဆက်သွယ်ရေးဝန်ကြီးဌာန ၊ ဆက်သွယ်ရေးညွှန်ကြားမှုဦးစီးဌာန မှ 2600 MHz ဆိုင်ရာ Auction Framework အား ၂၀၁၆ ခုနှစ်၊ ဇူလိုင်လ ၂၅ ရက်နေ့တွင် ထုတ်ပြန်ကြေငြာခဲ့ပြီး လုပ်ငန်းစဉ်အဆင့်ဆင့်အလိုက် ဆက်လက်ဆောင်ရွက်ခဲ့ရာ သတ်မှတ်ချက်များနှင့်ကိုက်ညီတဲ့ Qualified Bidder (၉) ဦး ကိုရွေးချယ်ခဲ့ပြီး ၄င်းတို့အနေနဲ့ မိမိတို့ရဲ့ Business Plan အတိုင်းသာ ပါဝင်ယှဉ်ပြိုင်သွားနိုင်ရေး နဲ့ ဈေးကစားမှုများကို ရှောင်ရှားနိုင်ရေးအတွက် အခြားနိုင်ငံ အများအပြားမှာ အသုံးပြုလျက်ရှိတဲ့ Simultaneous Multiple Rounds Auction (SMRA) နည်းလမ်းအား အသုံးပြုခြင်းဖြစ်တယ်လို့သိရပါတယ်။

 2600 MHz Band အတွင်းက လှိုင်းနှုန်းစဉ်များအနက် 20 MHz Lot (၂) ခုအား နယ်မြေ (၁)-နေပြည်တော်၊မကွေး၊ ပဲခူး၊ မွန်၊ ကရင်၊ တနင်္သာရီ၊ နယ်မြေ (၂) – ရန်ကုန်၊ ဧရာဝတီ၊ ရခိုင် နဲ့ နယ်မြေ (၃)- မန္တလေး၊ စစ်ကိုင်း၊ ချင်း၊ ရှမ်း၊ ကချင်၊ ကယား စသည့် နယ်မြေ (၃) ခုအတွက် လေလံစနစ်ဖြင့် ဆောင်ရွက်အသုံးပြုခွင့်ပေးသွားမှာဖြစ်ပါတယ်။ ကုမ္ပဏီတစ်ခုဟာ အများဆုံးအနေနဲ့ Lot (၂) ခု ပါဝင်ယှဉ်ပြိုင်နိုင်မှာဖြစ်သော်လည်း နယ်မြေတစ်ခုတည်းမှာ Lot (၂) ခု ယှဉ်ပြိုင်ခွင့်မရှိဘူး လို့သိရပါတယ်။

နယ်မြေတစ်ခုခြင်းစီအလိုက် ကြမ်းခင်းဈေးနှုန်းများမှာ နယ်မြေ (၁) အတွက် အမေရိကန် ဒေါ်လာ (၃) သန်း၊ နယ်မြေ (၂) အတွက် အမေရိကန်ဒေါ်လာ (၇) သန်း၊ နယ်မြေ (၃) အတွက် အမေရိကန်ဒေါ်လာ (၅) သန်းဖြစ်ပြီး အဆိုပါ ကြမ်းခင်းဈေးနှုန်းများအား ပထမအဆင့် (First Round) ဈေးနှုန်းအဖြစ် သတ်မှတ်ပြီး လေလံလုပ်ငန်းစဉ်ကို စတင်ဆောင်ရွက်ခဲ့ တာဖြစ်တယ်လို့သိရပါတယ်။

mcit

Comments

comments

Top