နာဆာက ဟာရီကိန်း မုန်တိုင်းကို ကြိုတင်ခန့်မှန်းနိုင်ဖို့ ဂြိုလ်တုများကို လွှတ်တင် - DigitalTimes.com.mm

နာဆာက ဟာရီကိန်း မုန်တိုင်းကို ကြိုတင်ခန့်မှန်းနိုင်ဖို့ ဂြိုလ်တုများကို လွှတ်တင်

နာဆာက ကြာသပတေးနေ့မှာ Cyclone Global Navigation Satellite System စီမံကိန်းကို စတင်လိုက်ပြီး ဂြိုလ်တုငယ် ၈ လုံးကို အာကာသထံ လွှတ်တင်လိုက်ပါတယ်။ တနင်္လာနေ့နဲ့ ဗုဒ္ဓဟူးနေ့မှာ စမ်းသပ်လွှတ်တင်ဖို့ ၂ ကြိမ် ကြိုးစားခဲ့ပေမယ့် မအောင်မြင်ခဲ့ပါဘူး။ နာဆာက လေယာဉ်ပျံတစ်စင်းကနေ Pegasus XL ရော့ကတ်ဖြင့် ဂြိုလ်တုများကို အာကာသထံ လွှတ်တင်လိုက်တာ ဖြစ်ပါတယ်။

ဂြိုလ်တုငယ်များက အပူပိုင်းဇုန်ရှိ ပင်လယ်များမှ လေတိုက်နှုန်းကို တိုင်းတာတွက်ချက်မှာ ဖြစ်ပါတယ်။ ဒီလို တိုင်းတာခြင်းဖြင့် မိုးလေ၀သပညာရှင်များက ဟာရီကိန်းမုန်တိုင်း ဖြစ်ပေါ်လာတဲ့ အခြေအနေများကို နားလည်နိုင်မှာ ဖြစ်ပါတယ်။

ဂြိုလ်တုများက ရာသီဥတု ဒေတာများကို စဉ်ဆက်မပြတ် ကောက်ယူနေမှာ ဖြစ်တဲ့အတွက် ဟာရီကိန်းနဲ့ ဆိုင်ကလုန်းမုန်တိုင်းများရဲ့ သက်တမ်းကို အသေးစိတ်လေ့လာနိုင်မှာ ဖြစ်ပါတယ်။ အဲဒီအတွက် မုန်တိုင်းများကို ပိုမိုတိကျစွာ ကြိုတင်ခန့်မှန်းနိုင်မှာ ဖြစ်ပါတယ်။ ဂြိုလ်တုများ အာကာသထံ လွှတ်တင်တာ အောင်မြင်ပေမယ့် နာဆာက ဂြိုလ်တုများ သင့်တော်မှန်ကန်စွာ အလုပ်လုပ်လားဆိုတာ ဆက်လက် လေ့လာနေပါတယ်။

Ref : mashable

Comments

comments

Top